Alla sunnudaga í júlímánuði verða tónleikar á vegum tónlistarhátíðarinnar, Englar og menn og hefjast þeir kl. 14:00.

Þar koma fram fjölmargir þjóðþekktir tónlistarmenn.

Þema hátíðarinnar er englar og menn, land, náttúra, trú og saga þar sem íslensk þjóðlög, sönglög og dægurlög, ásamt innlendum og erlendum trúarljóðum og klassískum verkum.

Umsjón með hátíðinni hefur Björg Þórhallsdóttir og dagskrá tónleikanna má sjá á heimasíðunni englarogmenn.is og á Facebooksíðu hátíðarinnar.

Áhugaverð frétt birtist í kirkjan.is um guðsþjónustur í Strandarkirkju í sumar og tónlistarhátíðina, Englar og menn, sem verður alla sunnudaga í júlí. 

Sjá: Sumarstarfið í Strandarkirkju (kirkjan.is)

Guðsþjónusta verður í Strandarkirkju sunnudaginn 25. júní kl. 14:00.

Félagar úr Kór Þorláks- og Hjallasóknar leiða safnaðarsöng undir stjórn Esterar Ólafsdóttur, organista.

Sr. Sigríður Munda Jónsdóttir þjónar.

Verum velkomin til kirkju.

Sóknarnefnd og sóknarprestur

Sunnudaginn 14. maí 2023 verður guðsþjónusta í Strandarkirkju kl. 14:00.

Kór Þorláks- og Hjallasóknar leiðir almennan safnaðarsöng undir stjórn Esterar Ólafsdóttur, organista.

Verum öll velkomin

Sóknarnefnd og sóknarprestur

Aðalsafnaðarfundi Þorláks- og Hjallasóknar á árinu 2023 hefur verið frestað vegna körfuboltaleiks Þórs Þorlákshöfn og Vals til miðvikudagsins 3. maí og hefst hann kl. 20:00 í Þorlákskirkju.
Dagskrá fundarins:
1. Setning
2. Kosning fundarstjóra og fundarritara
3. Skýrsla sóknarnefndarformanns um liðið starfsár
4. Lagðir fram til afgreiðslu ársreikningar sóknar og kirkjugarða fyrir sl. ár ásamt fjárhagsáætlun þessa árs
5. Greint frá starfssemi héraðsnefndar og héraðsfundar
6. Kosningar
7. Önnur mál
Sóknarnefnd Þorláks- og Hjallasóknar